આજના જમાનામાં છોકરા-છોકરીની મિત્રતા એકદમ સામાન્ય છે. પરંતુ મોટાભાગના છોકરાઓ નથી જાણતા કે છોકરીઓ તેમની સાથે વાત કરતી વખતે ઘણી બધી બાબતો નોટિસ કરે છે. ક્યારેક છોકરીઓને છોકરાઓની કેટલીક આદતો ગમે છે તો કેટલીક આદતો બિલકુલ પસંદ નથી આવતી. છોકરાઓ એ જાણવા માટે ખૂબ ઉત્સુક હોય છે કે છોકરીઓને કઈ આદતો ગમે છે? જો તમે પણ કોઈ છોકરીને ઈમ્પ્રેસ કરવા ઈચ્છો છો તો કેટલીક બાબતોનુ ખાસ ધ્યાન રાખો.
આત્મવિશ્વાસ : આત્મવિશ્વાસ એ નંબર વન વસ્તુ છે જે છોકરીઓ છોકરાઓમાં શોધે છે. જો કોઈ છોકરો ખૂબ જ આત્મવિશ્વાસ ધરાવતો હોય અને તે પોતાનામાં વિશ્વાસ રાખે તો છોકરીઓ તેને ખૂબ પસંદ કરે છે. આ ગુણવત્તા છોકરાને વધુ આકર્ષક બનાવે છે. આત્મવિશ્વાસુ વ્યક્તિની આસપાસ હોવાને કારણે છોકરીઓને લાગે છે કે તેઓ પર વિશ્વાસ કરી શકાય છે.
ડ્રેસિંગ સેન્સ : દર વખતે કોઈ પણ છોકરી છોકરાની ડ્રેસિંગ સેન્સને ધ્યાનમાં લેતી નથી પરંતુ ઘણી વખત એવુ જોવામાં આવ્યુ છે કે છોકરીઓ છોકરાઓની ડ્રેસિંગ સેન્સ પરથી પણ અંદાજ લગાવી શકે છે કે સામેની વ્યક્તિ પોતાની તરફ કેટલુ ધ્યાન આપે છે.
છોકરીની વાત સાંભળો : છોકરીઓ સ્વભાવે ખૂબ જ સંવેદનશીલ અને લાગણીશીલ હોય છે. છોકરીઓ હંમેશા ઈચ્છે છે કે કોઈ છોકરો તેમની વાત સાંભળે. તમને છોકરીની વાત સાંભળવી ગમે કે ન ગમે પણ છોકરી ઈચ્છશે કે તમે તેની વાત સાંભળો. જો તમે આ કરો છો તો તમે તેના પ્રિય વ્યક્તિ બની શકો છો.
મજાકિયો સ્વભાવ : બોરિંગ પાર્ટનર કોઈને ગમતા નથી. કોઈપણ વ્યક્તિ હસી-મજાક વિના કંટાળાજનક દેખાઈ શકે છે. છોકરો હોય કે છોકરી તેના માટે મજાકિયા બનવુ જરૂરી છે. જો કોઈ છોકરો હંમેશા હસતો રહે અને આસપાસના લોકોને હસાવતો રહે તો તે છોકરીઓને ખૂબ આકર્ષે છે.
કરિયરમાં સફળ : છોકરી એવા છોકરાઓ પ્રત્યે વધુ આકર્ષિત થાય છે જે તેમની કારકિર્દીમાં સફળ હોય છે. જો કે છોકરીને તમારા પગાર અને સ્ટેટસથી બિલકુલ મતલબ નથી હોતો. તમારી કારકિર્દી પરથી તમારી ગંભીરતા અને પરિપક્વતા જાણી શકાય છે. કરિયરમાં સફળ હોય એવા સંબંધો લાંબા સમય સુધી ટકે છે.
સમ્માન કરે : છોકરાઓ છોકરીને ત્યારે જ ઈમ્પ્રેસ કરી શકે છે જ્યારે તેઓ સામેની વ્યક્તિનુ સન્માન કરે. તેણે છોકરીઓ માટે કેટલીક સારી વસ્તુઓ કરવી જોઈએ. તેના માટે કારનો દરવાજો ખોલો, જ્યારે છોકરીને ઠંડી લાગે ત્યારે તેને તમારુ જેકેટ આપો. આ બધુ ચોક્કસપણે થોડુ ફિલ્મી છે પરંતુ છોકરીઓને આ બધી વસ્તુઓ ખૂબ ગમે છે.